Dvadasharanayacakra 7.165

Nyāyāgamānusāriṇī 7.165

Language: Sanskrit

7.165

tad darśayati --pravṛttau nivṛttirityādi, ubhayamanyonyāvinābhāvi bhāvo vastvityarthaḥ . bhāvābhāvarūpaṃ bhavanaṃ sad vastu, tasya sato bhāvaḥ sattā, yat satā bhūyate satataniyameneti prakṛtipratyayārthayorubhayorubhayaṃ niyamo vidhiśca . tāveva darśayati yena iti pratyayārthaṃ yathā iti prakṛtyarthaṃ ca, yena hītyādi kartrā kriyāyāṃ niyatena niyatāyāṃ bhavanamāha . yadi a ?syetyādi anyathāniṣṭāpādanaṃ yāvat khapuṣpavaditi bhavananiyamena ātmalābho bhavata uktaḥ, tataścāvaraṇena bhavitṛniyamena bhavanātmalābha ityetadubhayamubhayatra vidhirniyamaśceti sāmānyenoktam . viśeṣyāpi vakṣyati .

Previous: 7.164
Next: 7.166
Up: 7

Linked texts (1)

Dvādaśāranayacakra — Mallavādin, Sanskrit