Dvadasharanayacakra 7.170

7.170

tatra bhāvātmakatvaṃ tāvat --tathā ghaṭastāvadastyeva kriyāguṇavyapadeśavattvāt, udakādyāharaṇaṃ kriyā, guṇo rūpādi, vyapadeśo liṅgaṃ heturapadeśaḥ liṅgam ityādiśabdo vā . paṭarathavaditi bhāvātmakatve dṛṣṭāntaḥ khapuṣpavailakṣaṇyena . vaidharmyeṇa sarvasarvasamavāyāsattvāditi bhāvanāhetuḥ, na hi sarvaṃ sarvatra samavaiti tantuṣu ghaṭaḥ kapāleṣu vā paṭaḥ, tasmāt sarvasarvasamavāyāsattvād yogyasyaiva yogyeṣu samavāyāt pratyekaṃ sattvāt . atha punarevaṃ na syāt tato'sāvasannevāpadyeta sikatāsviva tailam . na ca tathā sthitau ghaṭo na bhavati, rūparasayorghaṭabhāvāt . nanu ghaṭa... ... ...pṛthivyapi mṛdādiḥ, itarathā nirmūlatvāt . tathā ca ekabhavanātmakatvāt ghaṭaghaṭasvātmavat tadviśeṣa eva viśeṣo nābhāvaḥ pṛthivīsāmānye satyeva ūrddhatvavistṛtatvādiḥ . astyeva iti vartate, yathā rūpe ghaṭaḥ guṇasamudāyavādadarśanena, rūpaṃ vā iti guṇamātravāde tadādhāro vā ityavayavivāde yathā rūpe ghaṭo'styeva ityādi tathā rasādiṣvapi bhāvanīyamekaikasmin vṛttatvāt .