Dvadasharanayacakra 7.171

Nyāyāgamānusāriṇī 7.171

Language: Sanskrit

7.171

atha punarevaṃ na syāt paṭarathādisādharmyeṇa khapuṣpavailakṣaṇyena vaikaikasmiṃstileṣviva tailaṃ tato'sāvasannevāpadyeta, kimiva ? sikatāsviva avidyamānaṃ yathā sikatāsu pratyekaṃ samudāye'pi tailaṃ nāstyeva tathā ghaṭo rūpādāvekaikasminnasattvādasannāpadyeta, aniṣṭaṃ caitat . evaṃ sāmastyena ghaṭādyastitvaṃ rūpādīnāṃ pratyekaṃ sattvāt, itarathā rūpavad raso'pi rūpaṃ syāt svarūpāsattvāt, na ca rūpavad raso'pi rūpaṃ bhavati rūpaṃ vā rasavad raso bhavati dṛṣṭaviruddhatvāt . yasmād rūpameva rūpaṃ rasa eva raso bhavati netarabhāvamāpadyate tasmādrūpādayaḥ santi .

Previous: 7.170
Next: 7.172
Up: 7

Linked texts (1)

Dvādaśāranayacakra — Mallavādin, Sanskrit