Dvadasharanayacakra 7.179

Nyāyāgamānusāriṇī 7.179

Language: Sanskrit

7.179

itara āha --na, dravyam ityabhavanāt, atrāpi dravyābhāvānuviddhastvadabhimato guṇabhāva iti . atrocyate --yadi na bhavatyevetyādi caṭakamarkaṭikayā dravyaguṇayorbhāvābhāvatvamāpādya kaṭāderdravyaviśeṣasyāpādayati gatapratyāgatanyāyena, tato ghaṭasyāpi yāvad ghaṭa iti bhavatīti . evamekāntabhāvābhāvavādinoḥ parasparakṛtacodyadvayaparihāraḥ . evameva bhāvābhāvavādinaṃ pratyapi tadviparyayeṇetarabhāvanayā ekāntavādināṃ vidhyādinayānāṃ mateṣu parihāraḥ kāryaḥ . athavā taccodyasyātrāvakāśa eva nāsti, tenāpi ubhayobhayanayena sarvaikāntavādināṃ sunivartitatvāt sakalavikalādeśābhyāṃ bhāvābhāvatvasiddheriti .

Previous: 7.178
Next: 7.180
Up: 7

Linked texts (1)

Dvādaśāranayacakra — Mallavādin, Sanskrit