Dvadasharanayacakra 7.180

7.180

nanvevamityādi idamapyanyaccodyaṃ vikalādeśapakṣe ubhayobhayavādinaṃ pratyaniṣṭāpādanaṃ sādhanena gatārthaṃ dhṛtyādivṛttajagadavasthāvat . pṛthivyādīnāmanityatve'pi arthabhavanāvicchedād vyavasthitopakāritvaṃ siddhamanavasthānābhāvaśca svatvaparatvābhyāṃ tathā bhāvābhāvayoḥ . yadi tu bhāvābhāvayorna parasparāvabaddhatvaṃ tataḥ paṭasyābhāve ghaṭabhāvābhāvaḥ bhāva eva abhāvatulyatvāt, paṭavat . yadi vā... ... .... nanu tasya sākṣādevābhavanamubhayataḥ . nanvata evedam... ...dravyāditvena ca . yadi tvasau paṭaḥ paṭatvadravyatvābhyāṃ na bhavet, na paṭo bhavet, paṭatvadravyatvābhyāma- yāvat parasparāvabaddhanaudvayavaditi pūrvapakṣaḥ . atrocyate--tad na, vyavasthitopakārisvarūpatvāt dhṛtyādivṛttajagadavasthāvaditi sādhanenānavasthādoṣaparihāraḥ . nityatve pṛthivyādīnāṃ vyavasthitatvaṃ parasparopakāritvaṃ ca dhṛtisaṅgrahapaktivyūhāvakāśadānakriyābhiḥ siddham, tato'navasthā naivāstītyatra kā cintā ? kintu anityatve'pyarthabhavanāvicchedāt satatabhavanasyāvicchedād bhāve vyavasthitopakāritvasya dhṛtyā bhūmiritareṣāmātmanaścopakurute jalaṃ saṅgraheṇa agniḥ paktyā vāyurvyūhena sarveṣāmavakāśadānādākāśamityavasthitopakārisvarūpatvaṃ siddhamanavasthānābhāvaśca, akṣarārtho bhāṣye gamitaḥ, svatvaparatvābhyāmiti svarūpasiddhau pararūpasiddhau ca teṣāṃ parasparāvabaddhatve satyapyanavasthā nāsti, tathā bhāvābhāvayoriti, yo'sau bhavati ghaṭaḥ sa paṭo na bhavati, yadasau paṭo bhavati tad ghaṭo na bhavati, ghaṭo bhavanneva paṭo na bhavati, paṭo bhavanneva ghaṭo na bhavati, tathā bhavati na bhavati cetyapi jñeyam, parasparāvabaddhavyavasthitopakārisvarūpatvād nānavastheti .