Dvadasharanayacakra 7.182

7.182

evamantaritadravyatvasattvādiguṇatvādisāmānyaviśeṣābhyāṃ bhāvābhāvātmakatā, nāntaritābhyāmeva, kiṃ tarhi ? nanu tasya sākṣādevābhavanamubhayataḥ, sāmānyato dravyatvena svena viśeṣato'nyadravyatvena paṭagatena guṇatvena ca ghaṭasyābhavanāt, tathā tadviparyayeṇa paṭasya, paṭaghaṭagatayośca dravyatvayorbhedāt tadbhedavat tadvyatiriktadravyatvasyābhāvāt . nanvata evedamityādinā bhāvayati yāvad dravyāditvena ceti . ghaṭo guṇatvena paṭadravyāditvena ca sākṣānna bhavati ghaṭadravyatvena bhavati, paṭaḥ paṭadravyatvena sākṣād bhavati guṇatvena ghaṭadravyatvena ca sākṣānna bhavatīti bhāvābhāvātmakatvamevānayoḥ .