Dvadasharanayacakra 7.183

7.183

yadi tvasāvityādi aniṣṭāpādanasādhanamabhyupagame, yadi paṭaḥ paṭatvadravyatvābhyāṃ na bhavet, na paṭo bhavanāt, ghaṭavad guṇavadvā . yatastu... ...tata evetarābhyāṃ bhavati nīlotpalādivat . atastvanyathā... ...khapuṣpavat . kālato'pi ca... ... .... na yathā lokavādaḥ--palālamagnirdahatīti . yadi tad dahyate eva,... ....... ...bhasmīkaraṇānupapatteḥ pūrvavat . deśaḥ palālasya dahyate tathāpi... ...deśasyāpi bhasmīkaraṇānupapatteḥ . athākāśavyatireka... ... ...tadapi na... ... .... tathā ghaṭo na bhidyate kvacit . bhavet paṭatvadravyatvābhyāmabhavanāt ghaṭavad guṇavadvā, ghaṭo guṇo vā naiva na bhavet tata eva tadvat . evaṃ ghaṭaguṇayorapi sādhanābhyāmaniṣṭamāpādyam . etasyārthasya bhāvanā --yatastvityādi yāvat tata evetarābhyāṃ bhavatīti . avaśyaṃ caitadevam, anvayavyatirekābhyāmarthasyāvadhāraṇe prayogasya sāphalyāt . tadyathā nīlotpalādivat, siddhe sati ārambho niyamārthaḥ, yathā raktanīlatvayoḥ siddhayoranyatarābhāvenānyatarabhāvena cotpalaṃ niyamyate raktameva, nīlameva vā iti tathā ghaṭaḥ paṭa iti veti . tadarthabhāvanā bhāṣye'nyatarābhāvābhāve'nyatarabhāvābhāve ca sato'pyabhāvaprasaṅgāpādanadvāreṇa lokaprasiddhyanupātena kṛtā . etasya nyāyasyānabhyupagame dvayorapyabhāvaḥ, taddarśayati --atastvanyathetyādi aniṣṭāpādanasādhanaṃ gatārthaṃ yāvat khapuṣpavaditi . evaṃ dravyato bhāvābhāvātmakatā vyākhyātā .