Dvadasharanayacakra 7.188

Nyāyāgamānusāriṇī 7.188

Language: Sanskrit

7.188

athavaikamevodāharaṇaṃ dravyādicaturvidhatvaṃ yojayati ityāha --kumbhaṃ karoti ityādāvapyāha, mṛnmardanakāle'pyāha kumbhaṃ karomi iti kumbhakāraḥ, apiśabdāt karaṇakāle nirvṛttyuttarakāle ca kṛtaḥ kumbha iti . na tathā ghaṭate, yathā loko vadati iti vartate . yadi sa kumbha evānirvṛtto'pi mṛdavasthāyām, na kriyate, bhūtatvāt, yad bhūtaṃ tanna kriyate, yathā anyā mṛt . athābhūtaḥ kriyata iti manyase, na kriyate saḥ, abhūtatvāt, khapuṣpavat . kathamasan kumbha ucyate vā ?

Previous: 7.187
Next: 7.189
Up: 7

Linked texts (1)

Dvādaśāranayacakra — Mallavādin, Sanskrit