Dvadasharanayacakra 7.40

Nyāyāgamānusāriṇī 7.40

Language: Sanskrit

7.40

ata eva cetyādi . etasmādeva dravyādyanyatamasvarūpatvāt sattāyāḥ sāmānyākhyāyāḥ nāsya sat tadidamasat iti vigṛhya asya ityanvayāt na iti ca vyatirekād dravyaguṇakarmākhyasya trayasya sato'vadhāraṇārthaṃ pratiṣedhavācinā nañā vyavacchedyaṃ sattvamabhyupagamya svānvayavṛtti sattvavyatirekavṛtti ca nirūpitamanvayavyatirekābhyāṃ niṣkalaṃ paripūrṇaṃ svarūpato'vadhāritaṃ ca sattvaṃ yasya tad dravyādi dravyāntarādisadvyatirekeṇa svānvayena ca yathā vyākhyātaṃ sidhyatyeva . tasmāt tadarthaṃ dravyādyavadhāraṇārthamabhidhānapratyayahetunānyena sattādinā nārthaḥ na prayojanaṃ svata eva siddhaprayojanatvādityuktopasaṃhāraḥ .

Previous: 7.39
Next: 7.41
Up: 7

Linked texts (1)

Dvādaśāranayacakra — Mallavādin, Sanskrit