Dvadasharanayacakra 7.53

Nyāyāgamānusāriṇī 7.53

Language: Sanskrit

7.53

kiñcānyat, aviśeṣetyādi . aviśeṣaviśeṣaṇavinirmuktamapi na bhavati ityetadapi tvayaiva bhāvitam . tadyathā --tulyajātīyāvayavasaṃyogādibhinnetyādi . tulyajātīyāḥ tulyaprakārā avayavāḥ, teṣāṃ pārthivādīnāṃ gandhādimattvaprakārāṇāṃ saṃyogairdravyaṃ pārthivaṃ kāryaṃ jāyate, ādigrahaṇād guṇakarmaṇorapi svakāraṇasānnidhyaprakāratā prāguktā . taiḥ saṃyogādibhirbhinnatve'pyaviśeṣo dravyādīnāmityanenāviśeṣeṇa viśiṣṭamitaravilakṣaṇaṃ vastunaḥ svatattvaṃ pradarśitaṃ tvayā . tasmāt tatpradarśanādasti hītyādyupasaṃhāragrantho gatārtho yāvad netarad netaratreti .

Previous: 7.52
Next: 7.54
Up: 7

Linked texts (1)

Dvādaśāranayacakra — Mallavādin, Sanskrit