Dvadasharanayacakra 7.54

Nyāyāgamānusāriṇī 7.54

Language: Sanskrit

7.54

kiñcānyat, punarapi cetyādi . rūparasagandhasparśavatsu pṛthivyavayaveṣu saṃyukteṣvaviśeṣo darśitaḥ . na kevalameṣa evāviśeṣaḥ sajātīyagataḥ sphuṭīkṛtastvayā, kiṃ tarhi ? tadvijātīyeṣvapi dravyatvaṃ tathā kāraṇasāmagryā aviśeṣeṇa yogādabādiṣvapi āpyeṣvapi kāraṇasāmagryāstulyatvāt tulyajātīyādyavayavasaṃyogādapi dravyatvaṃ bhāvitam, tulyajātyavayavasaṃyogāviśeṣāt . ādigrahaṇāt tejovāyvavayavasaṃyogādapīti, atulyajātīyānāmapi tulyajātīyasaṃyogārambhāviśeṣāt ityuktatvāt sphuṭīkṛtamaviśeṣaviśeṣaṇamiti . ato'tidiśati --etena pṛthivyādibhinnetyādi gatārthaṃ yāvad dravyatvamuktamiti .

Previous: 7.53
Next: 7.55
Up: 7

Linked texts (1)

Dvādaśāranayacakra — Mallavādin, Sanskrit