Dvadasharanayacakra 7.90

7.90

atra na pūrvapakṣa ityādi ācāryo brūte . atraivaṃ pūrvottarapakṣayorna kiñcit satyam, prāgatīteṣu pūrvapakṣo'pi kaścit satyaḥ syād vikalādeśavaśārpaṇāt, yathā sadbhāgamāśrityopādānam asadbhāgamāśritya kriyābhāva ityādiḥ . iha tu na pūrvapakṣo nottarapakṣaḥ satyaḥ . pūrvapakṣāsatyatvaṃ tāvat ko hi nāma so'nekāntavādītyādi . evaṃ hyasatkāryaikāntavāda evāvasthāpitaḥ, tadasatkāryamavasthāpya ko'nekāntavādī evaṃ brūyāt ? ityādi, prāgityādi tasyaiva pratyuccāraṇaṃ yāvad ghaṭātmanā cāsaditi, na brūyādevetyabhiprāyaḥ . yadi brūyādanekāntavādatyāga ekāntavādābhyupagamaśca kṛta iti taddarśayati --evaṃ hi mṛdo'kāryatve ityādi gatārtho yāvat ko bheda iti . ya evaiṣa vaiśeṣiko bauddho vā syādārhato'pīti .