Dvadasharanayacakra 7.99

7.99

etena sarvo'syādvādaḥ pratyuktaḥ . kāryasadasadātmakaikavastupratipādanātmakena tadekāntapratiṣedhātmakena ca yatnena nityānityādyekāntavādaḥ sarvaḥ pratiṣiddho boddhavyaḥ upādānaniyamasyāsati sati ca kriyāyā asambhavād nityānityaikanānākāryakāraṇasarvāsarvagatatvādirasyādvādaḥ . nityatvenānityatvamanityatvena ca nityatvamekāntarūpaṃ bādhyate, sāpekṣaṃ ca sarvaṃ sidhyati, tadyathā--sadā sattvād nityatvam, sadā sattvaṃ dravyārthāt, naikāntānityatvamataḥ . sadā cāsattvādanityatvam, sadā cāsattvaṃ paryāyārthatvāt, ataśca naikāntanityatvamiti .