Dvadasharanayacakra 8.106

Nyāyāgamānusāriṇī 8.106

Language: Sanskrit

8.106

athavā sthāpanāyāmityādi saptamīsamāso vā . sthāpanāyāṃ nikṣepo sthāpanānikṣepa iti evakārārtho draṣṭavyaḥ, tad vyācaṣṭe --na nāmni na śabde nikṣipyate, kiṃ tarhi ? sthāpanāyāmeva nikṣipyate . kasmāditi cet, ata āha --yato nāmāpi sahārthena tattantrameva, ākāratantra eva śabdo'rthaśca . tad bhāvayati --sthānakaraṇetyādi, akārādayo varṇāḥ pratiniyatakaṇṭhādisthānākārajanmānaḥ saṅgatyā nairantaryeṇa uccarantaḥ sup-tiṅntādiviśeṣākārāḥ tadgamyāśca nāmākhyātavācyadravyakriyārthākārāḥ sarve'ntarbhūtākāratattvasthāpanāvipariṇāmavijṛmbhitamātram . kiṃ kāraṇam ? tadabhāva ityādi, ākārābhāve śabdārthayorabhāvādākārāgrahaṇe ca tayoragrahaṇāt .

Previous: 8.105
Next: 8.107
Up: 8

Linked texts (1)

Dvādaśāranayacakra — Mallavādin, Sanskrit