Dvadasharanayacakra 8.123

Nyāyāgamānusāriṇī 8.123

Language: Sanskrit

8.123

ata evetyādi . satyavṛttyā nokto viśeṣaḥ, upādhivṛttyokto'pyanukta eva . niyamārthā punaḥ punaḥ śrutirvivakṣitārthā, kasmāt ? tadarthatvād viśeṣarthatvād viśeṣaṇārthatvāt pūrvaśruteḥ sāmānyaśruteḥ brāhmaṇādeḥ . tasmācchravaṇakālakrameṇa punaḥ śrutiriti viśeṣaśabda ucyate . ko'sau niyamo nāma ? ityucyate --niyamaḥ svārthavyavasthāpanaṃ vivakṣite'rthe'vadhāraṇam . sañcāri caitaditi, na punastat sāmānyaśabdena uktavaduktaṃ vastu vyavasthitameva, kiṃ tarhi ? sañcāri viśeṣaparamparayā . tatra kāraṇaṃ sañcaraṇe dravyanayetyādi, evaṃsamavasthasyārthasya sattvāt .

Previous: 8.122
Next: 8.124
Up: 8

Linked texts (1)

Dvādaśāranayacakra — Mallavādin, Sanskrit