Dvadasharanayacakra 8.17

Nyāyāgamānusāriṇī 8.17

Language: Sanskrit

8.17

syānmatam--tadanurūpacaitanyātmakatvamastu pravṛtteścaitanyāvinābhāvāt, śabdātmakatvaṃ tu sādhyamiti . atrocyate--kimatra sādhyam ? siddhamevaitat, na hi kācidapi cetanā'śabdāsti anādikālapravṛttaśabdavyavahārābhyāsavāsitatvād vijñānasya caitanyameva hi paśyantyavasthānaṃ madhyamāvaikharyoravasthayorutthāne kāraṇaṃ nāma ityucyate, kāraṇātmakatvāt kāryāṇām . yathoktam --vaikharyā madhyamāyāśca paśyantyāścaitadadbhutaṃ rūpam vākyapa॰ 1 . 142 ityādi .

Previous: 8.16
Next: 8.18
Up: 8

Linked texts (1)

Dvādaśāranayacakra — Mallavādin, Sanskrit