Dvadasharanayacakra 8.25

Nyāyāgamānusāriṇī 8.25

Language: Sanskrit

8.25

rūpādyupayogetyādi . athavā rūpādyupayogo rūpādijñānam, tasya bhavanamantarniviṣṭaśabdānubaddhaṃ tacchabdātmakam, rūpaṇād rūpam, rasyata iti rasaḥ, ghrāyata iti gandhaḥ, śrotragrahaṇaṃ śabdaḥ iti lakṣaṇāt tasyopayogasya śabdātmakatvād rūpādīnāṃ ca tadātmakatvācchabdo rūpādirapi bhavati . tasmād nāmadravyasyānupasarjanataiva prādhānyamevetyarthaḥ . eṣa nāmadravyārthanayaḥ pūrvapakṣaḥ .

Previous: 8.24
Next: 8.26
Up: 8

Linked texts (1)

Dvādaśāranayacakra — Mallavādin, Sanskrit