Dvadasharanayacakra 8.43

Nyāyāgamānusāriṇī 8.43

Language: Sanskrit

8.43

atra pratyayetyādi vākyāvadhike'rthe padāvadhike vā pratipādye vākyaṃ padaṃ vā pratiyogiśabdārthāpekṣameva gamayati kevalasyāprayogāt . padāvadhike tāvadayaṃ niyamaḥ--pratyayaparā prakṛtiḥ prayoktavyā, prakṛteḥ paraḥ pratyayaḥ pā॰ ma॰ bhā॰ 3 . 1 . 2 iti vyavasthāpitatvāt prayogakāle kevalayoḥ prakṛtipratyayayorasambhavāt, asambhavaśca tathānarthakatvāt bhū-laṭ-tip-śapādīnām, kimiva ? kākavāsitavat, yathā vāyasavāsitādīnāṃ na kaścidabhidheyo'rtho'sti tathā bhū-tipādīnāṃ kevalānām .

Previous: 8.42
Next: 8.44
Up: 8

Linked texts (1)

Dvādaśāranayacakra — Mallavādin, Sanskrit