Dvadasharanayacakra 8.52

Nyāyāgamānusāriṇī 8.52

Language: Sanskrit

8.52

atiśayyekātmaketyādi . yathāsmābhirukto'tiśayī eka eva ātmā bhavati yat sat kiñciditi tasya nirāsena tvayā viśeṣaviṣayaprayogo gāvyādivat sādhuḥ itīṣṭaḥ, tatredaṃ te'niṣṭamāpādyate— kasmāt tata eva nyāyāt bindau vartamāno'pchabda ekavacanānto na prayujyate, viśeṣaviṣayatvāt, gavādivaditi ? ato'yamapi nyāyo vyabhicaratīti . kiñcānyat, so'pchabda ekavacanānta eva syāt, bahvavayavātmakatve'pi ekam iti gṛhītatvāt tantupaṭavaditi gatārthatvānna vyākhyāyate .

Previous: 8.51
Next: 8.53
Up: 8

Linked texts (1)

Dvādaśāranayacakra — Mallavādin, Sanskrit