Dvadasharanayacakra 8.96

Nyāyāgamānusāriṇī 8.96

Language: Sanskrit

8.96

niruktyartho'pyabhijalpasya tathā ghaṭate nānyathā, japa jalpa vyaktāyāṃ vāci pā॰ dhā॰ 397, 398, ābhimukhyena jalpatyarthaṃ śabdaḥ, taṃ prayuṅkte'rthaḥ abhijalpayati, tadviṣaya evābhijalpa ityucyate, yadyābhimukhyenāvasthitamarthaṃ jalpati tato jalpaḥ śabdaḥ, so'rtho viṣayo'sya tadviṣaya evābhijalpaḥ śabdaḥ, etaduktaṃ bhavati--arthaviṣayaḥ śabdaḥ śabdārthakalpanāyāṃ yuktataraḥ syāt, arthotthāpitaśabdābhijalpatvapakṣe'bhijalpaśabdārthaparikalpanā yuktatarā syāt, na tu tvatparikalpite śabdaprerite . evaṃ tāvad bhartṛharyādidarśanamayuktam .

Previous: 8.95
Next: 8.97
Up: 8

Linked texts (1)

Dvādaśāranayacakra — Mallavādin, Sanskrit