Dvadasharanayacakra 8.99

8.99

evaṃ caitadityādyuktārthopanayaḥ . tatra śabdanayasya etaddarśanam--yathārthābhidhānameva nyāyyam . lakṣaṇaṃ ca yathārthābhidhānaṃ śabdaḥ tattvārthabhā॰ 1 . 35 . tathā nāma-sthāpanā-dravya-bhinnaliṅgādivācyeṣṭākaraṇād bhāvayuktavācī śabdaḥ iti ca lakṣaṇāntaram . tatra vibhāgena dravyadravyārthavācyaṃ pūrvanayeṣūktamiṣṭaṃ na karotīti naigamādigocaramanenāpi vyāvartitameva śabdanayena . vyavahāragocaranāmadravyārthavācyamapīṣṭaṃ na karotītyadhunā vyāvartitam . ṛjusūtrasyārthaparyāyasya gocaraṃ ca bhinnaliṅgādivācyamiṣṭaṃ na karotīti yathā vacanādi sādhu iti manyamānaḥ śabdanayaḥ pravartate yuktyā ca yathā tasya mataṃ śabdasya tathā prakārāntaṃ pradarśitam . tathācāryasiddhaseno'pyāha--