Dvadasharanayacakra 8.98

Nyāyāgamānusāriṇī 8.98

Language: Sanskrit

8.98

eṣā tāvad vastuno'rthaparyāyeṣu bhāvanā kṛtā śabdagocarātikrānteṣu, vyañjanaparyāyeṣvanenātideśaḥ kriyate --yathā cetyādi . rūpādayo yugapadbhāvyabhimatā apyekaikabhavanātmakā na paryāyāntaramapekṣante viśeṣatvāditi dṛṣṭāntaḥ . puṣya-tārā-nakṣatrādipuṃliṅgādayaḥ parasparavirodhitvād viśeṣāṇāmiti dārṣṭāntikaḥ . ekamekameva bhavanaṃ bhavati na dvitīyamiti kutaḥ sāmānādhikaraṇyam ? puṣyaḥ pumān sa kathaṃ strī bhavatīti tārā iti, napuṃsakaṃ vā nakṣatram iti ? evaṃ vacana-kāla-kāraka-puruṣopagrahādibhedā na parasparāpekṣā viśeṣaikabhavanāditi bhāvanīyam .

Previous: 8.97
Next: 8.99
Up: 8

Linked texts (1)

Dvādaśāranayacakra — Mallavādin, Sanskrit