Dvadasharanayacakra 2.16

2.16

evaṃ tarhi mayāpi śakyaṃ vaktum--yadetat sannāma tato'nyat kāryaṃ tadvikalpāsāmarthyād ghaṭapaṭavat . caturṣu vikalpeṣu dvayoḥ pratipakṣavādāpattestyāgādubhayasattvamanyatarasattvaṃ ca syāt . tadyadi tāvadubhayasattvaṃ tataḥ sattvāviśeṣādevāviśeṣe sarvatvaikatvabhedo na syāt, kāryaikatvavat kāraṇaikatvamapi syāt . atha na kāryaikatvavat kāraṇaikatvaṃ sacca kāryamiti niścitaṃ tadvailakṣaṇyānna tarhi sat kāraṇam, asat, sadvilakṣaṇatvādudumbarapuṣpavat, itaro nirvṛttaghaṭavat . nanu ghaṭasattvaṃ paṭasattvavilakṣaṇam, na asato vailakṣaṇyāditaretarāsattvāt . athaivamapi vailakṣaṇye kāraṇasattvaniścayo na nivartate'nekātmakaṃ ca tat, na tarhyekātmakatvāt kāryaṃ sat . sattva ekātmakaṃ na bhavet, sattvāt, kāraṇavat . śeṣaṃ pūrvavadviparyayeṇa . tathānuvṛttivyāvṛttyā-