Dvadasharanayacakra 423
Dvādaśāranayacakra 423
- Language
- Sanskrit
423
evaṃ cāyaṃ saṅgraheṣu dravyaprakṛtinayaḥ . sa ca saṅgrahaikadeśatvād dravyārthaḥ . dravyaśabdo'pi kartṛsādhanaḥ . dravyamapi dravati yāti na vicchidyate bhinnarūpavyāptyā . nanu karmaṇi karmasādhanatvamuditam . nanu karmasādhanavyākhyānena tenaiva kartṛsādhanatvameva vyavasthāpitam, dravyeṇaiva dravyaṃ kriyate vrīhivat iti kartari tṛtīyayā kartṛsādhanatvābhyupagamāt . etasmiṃśca naye dravyameva śabdārtho nityaḥ sarvātmakaḥ . anvāha ca--pṛthivīdhātau kiṃ satyam ? vikalpaḥ . vikalpe kiṃ satyam ? jñānam . jñāne kiṃ satyam ? om . tad brahma .
Commentaries (2)
- Nyāyāgamānusāriṇī — Siṃhasūri Gaṇi Vādikṣamāśramaṇa, Sanskrit
- Dravyasvabhāvaprakāśananayacakra — Māyilla Dhavala, Sanskrit