Yashastilaka 3.190.4

3.190.4

he deva, kesareṣu skandhadeśeṣu manoharaṃ cittānurañjakaṃ vijñāpayati | kamiva | devasya tava kīrtiśculadevatākuntalakalāpamiva | yathā devasya kuladevatāyāḥ kuntalakalāpo manoho bhavati | he deva, lalāṭāsanajaghanavakṣastrikeṣu lalāṭaṃ ca bhālam, āsanaṃ ca pṛṣṭhabhāgaḥ, jaghanaṃ ca kaṭyagrabhāgaḥ, vakṣaśca hṛdayasthalam, trikaṃ ca pṛṣṭhavaṃśāpare trikasaṃjñam, veṣu lalāṭāsanajaghanavakṣastrikeṣu pañcasthāneṣu viśālaṃ vistīrṇaṃ vijñāpayati | kamiva | devasya pratāpamiva | yathā devasya pratāpo viśālo bhavati | he deva, kandharāyāṃ grīvāyāṃ kāntaṃ manoharaṃ vijñāpayati | kamiva | śikhaṇḍikaṇṭhābhogamiva pariṇatamayūrakaṇṭhavistāramiva | yathā śikhaṇḍikaṇṭhābhogaḥ kānto manoho bhavati | atra mayūrakaṇṭhasyākāraḥ saṃsthānameva gṛhyate, na tu varṇaḥ | śirasi mastake parārthya śubhaṃ vijñāpayati| kamiva | ibhakumbhārdhamiva hastikumbhārdhamiva | he deva, karṇayoḥ śravaṇayoḥ kamanīyaṃ manoharaṃ vijñāpayati | kamiva | lakṣataruparivartitacchadapṛṣṭhamiva lakṣataruḥ vaṭavṛkṣaḥ parṇaṭovadrdhvebandhinau parivartitau uhlikhitau yau chadau parṇe tayoḥ pṛṣṭhabhāgamiva vijñāpayati | he deva, hanujānujaṅghāvadanaghoṇāsu viṣaye hanuśca cibukaṃ kapolanāmadhobhāgaḥ, jānunī ca aṣṭhīvantau, jaṅghāca āntyadhobhāgāḥ, vadanaṃ ca mukham, ghoṇā ca nāsikā, tāsu saptāṅgāsu nirmāsaṃ māṃsarāhetaṃ vijñāpayati | kamiva | ullikhitamiva utkīrṇamiva rūpaghaṭitamiva | he deva he rājan, locanayoḥ netrayoḥ suprakāśaṃ śubhraṃ tejaskaṃ vijñāpayati | kamiva | sphaṭikamaṇivinirgatamiva kāśmīramaṇinirgatamiva |