Yashastilaka 4.244.1

4.244.1

yasya tattathoktam | punaḥ kathaṃbhūtaṃ balam | ātmastavāḍambarodgaramāgadhotkarṇitavadanam ātmanaḥ stavāḍambaraḥ stavanāṭopastena udgamarā utkaṭā māgadhāḥ stutipāṭhakāsteṣu utkarṇitamūrdhvāṃkṛtaṃ vadanaṃ yena yasya vā tattathoktam | punaḥ kathaṃbhūtaṃ balam | ūrdhvanakharekhālikhitanikhiladehaprāsādam ūrdhvābhirunnatābhirnakharekhābhirālikhitaścitrito nikhilo dehaprāsādaḥ śarīramandiraṃ yasya tattathoktam | he deva, idaṃ pratyakṣībhūtaṃ dākṣiṇātyaṃ balam | punaḥ kathaṃbhūtaṃ balam | vihitavividhāyudhavartanaucityam vihitaṃ vividheṣu nānāprakārepu āyudheṣu śastreṣu vartanaucityaṃ asahāyayogyatā yena tattathoktam | caṇḍetyādi | dākṣiṇātyabalaṃ kathaṃbhūtam | caṇḍāṃśuraśmisaṃparkajvalatkuntāgramaṇḍalam caṇḍāṃśoḥ śrīsūryasya ye raśmayaḥ kiraṇāsteṣā saṃparkaṇa sparśana jvalat jājvalyamānaṃ kuntāgramaṇḍalaṃ prāsaparyantavalayaṃ yasya tattathoktam | valaṃ kiṃ kurvānam | ambaramākāśaṃ svapratāpānalavyāptaṃ vidadhānamiva | utprekṣālaṃkāraḥ || itaśca deva, ida drāmiḍaṃ balaṃ paśya | kathaṃbhūtaṃ drāmilaṃ valam | paryantakharvitakuntalatayārdhamuṣṭimitamastakamadhyakeśam paryante śirodhaḥpārśve kharvitāḥ kattiritā ye kuntalāḥ paryantakharvitakuntalāsteṣāṃ bhāvastatta| tayā ardhamuṣṭinā mitā māpikā mastakasya madhyakeśā yasya tattathoktam | punaḥ kathaṃbhūtaṃ balam |