Yashastilaka 4.244.2

4.244.2

atipralambaśravaṇadeśadolāyamānasphārasuvarṇakarṇikākiraṇakoṭikamanīyamukhamaṇḍalatayā kapolasthalīparikalpitapraphullakarṇikārakānanamiva atipralambaḥ atidīrghaḥ yo'sau śravaṇadeśaḥ tatra dolāyamānā praṅgantī sphārā pracurā yā suvarṇakarṇikā kanakavarṇabhūṣaṇaṃ tasyāḥ kiraṇakoṭibhī ramyaiḥ kamanīya yanmukhamaṇḍalaṃ tasya bhāvaḥ tattā tayā kapolasthalīpu parikalpitaṃ racitaṃ praphullakarṇikārāṇāṃ parivyādhatarūṇā kānanamiva | punaḥ kathaṃbhūtaṃ balam | samutkarpitasrukkacibukajaṅghāgrabhāgaromalomaśam | samutkarpitāni vṛddhiṃ prāptāni sukkāṇā oṣṭhaparyantānāṃ cicukānāṃ adharādharabhāgānā jaṅghānāṃ jānvadhobhāgānā agrabhāgeṣu romāṇi tairlomaśaṃ romaśyālam | ākulamityarthaḥ | punaḥ kathaṃbhūgaṃ valam | aharahaḥpramārjitadaśanaprakāśapeśalavadana- tayā pradarśitasvakīyayaśaḥprasūtikṣetramiva aharahardinaṃ dinaṃ prati pramārjitā gharṣitā gharṣaṇamāpitā ye daśanā dantāsteṣāṃ prakāśa udyotastena peśalaṃ yadradanaṃ tasya bhāvastattā tayā pradarśitaṃ prakaṭīkṛtaṃ svakīyasya yaśasaḥ prasūtikṣetramiva utpattisthānādhikaraṇamiva | punaḥ kathaṃbhūtaṃ balam | anaṅgamrahapariveṣavartuladantakṣatakṣapitabhujaśikharam anaṅgaḥ sa eva grahastasya pariveṣo maṇḍalaṃ tadvat vartulāni yāni dantakṣatāni dantavratitapadāni taiḥ kṣapitāni bhukāni śobhitāni bhujaśikharāṇi yasya tattathoktam | punaḥ kathaṃbhūtaṃ balam |