Yashastilaka 4.244.5

4.244.5

he deva, itaścaikasmin pārśve idaṃ pratyakṣībhūtaṃ tairabhuktaṃ yamunā taṭabalaṃ yamunapurasainyaṃ tvaṃ paśya | kathaṃbhūtaṃ tairabhuktaṃ balam | karivaraistamālitākhilāśāvalayam tamālitaṃ tamālavṛkṣavat śyāmalitaṃ akhilaṃ samastaṃ āśāvalayaṃ yena tattathoktam | kathaṃbhūtaiḥ karivaraiḥ | jayalakṣmīvakṣojamukhamaṇḍalaśyāmaśarīraprabhāpaṭalakuvalayitanabhaḥsarobhiḥ jayalakṣmāḥ yau vakṣojau tayoḥ mukhamaṇḍalaṃ cūcukapradeśastadvat śyāmaṃ kṛṣṇaṃ yaccharīraṃ tasya prabhāpaṭalaiḥ kṛṣṇatejaḥsamūhaiḥ kuvalayitaṃ utpalaviśeṣasahitaṃ kṛtaṃ nabhaḥsaro yaiḥ karivaraiste tathoktāstaiḥ | uktaṃ ca—'syādutpalaṃ kuvalayamatha nīlāmbujanma ca | indīvaraṃ ca nīle'sminsite kumudakairave ||' iti vacanād atra kuvalayaśabdena nīlotpalaṃ grāhyam | punaḥ kathaṃbhūtaiḥ karivaraiḥ | dravaddānāsavāsārasaurabhāgamagaṇḍūṣitāśeṣadigvilāsinīvadanaiḥ dravat nirgalat yaddānaṃ madastadevāsavo madyaṃ tasya āsāro vegavadrpastasya saurabhāgamena saugandhyāgamanena gaṇḍūṣitāni aśeṣāyaṇaṃ digvilāsinīnāṃ vadanāni yaiste dha | puna kathabhūtaistairabhukta valam | utkhātakhaṅgavalānavisāridhārākaranikarataraṅgitagaganabhāgam utkhātā upari prahārā ye khaṅgā nistriṃśāsteṣā valānavisāriṇī ucchalanaprasaraṇaśīlā yā dhārā agrabhāgastasyā ye karā kiraṇāsteṣā nikarai samūhaistaraṅgita utkallolīkṛto gaganabhāga ākāśapradeśo yena tattathoktam | puna kathabhūta tairabhuktabalam | āhavaikānurāga saṅgrāmaikaprītikam | puna kathabhūtam | jalayuddhabaddhakriyāviśepāsaktam jalayuddhe baddho yo'sau kriyāviśeṣastatra āsakta raktam ||