Yashastilaka 4.244.4

4.244.4

uktaṃ ca— 'parikaraḥ paryaṅkaparivārayoḥ pragāḍha gātrikābandhe ca' | punaḥ kathaṃbhūtaṃ balam | karojjṛmbhita- kartarīkaṇayakṛpāṇaprāsapaṭṭiśabāṇāsanam kareṣu uttambhitāni ūrdhvīkṛtāni uddāmitāni vā kartarī ca chedatikaraḥ, kaṇayaśca lohavāṇaviśeṣaḥ, kṛpāṇaśca khaṅgaḥ, prāsaśca kuntaḥ, paṭṭiśaśca yadvasaḥ, bāṇāsanaṃ ca dhanuḥ, kartarīkaṇayakṛpāṇaprāsapaṭṭiśabāṇāsanāni kareṣūttambhitāni kartarīkaṇayakṛpāṇaprāsapaṭṭiśabāṇāsanāni yena tattathoktam | punaḥ kathaṃbhūtaṃ balam | āsanaviśeṣavaśātividrutamitadravakhurakṣobhitakumbhinībhāgam āsanaviśeṣasya ubhayorgrapīḍanaviśeṣasya vaśā atividrutā atidhāvitā ye mitadravā aśvāsteṣāṃ khuraiḥ śaphaiḥ kṣobhitaḥ saṃcālitaḥ kumbhinībhāgo yena tattathoktam | punaḥ kathaṃbhūtaṃ balam | bhāgabhāgārpitānekavarṇavasanaveṣṭitoṣṇīṣam bhāgabhāgeṣu madhyamadhyeṣu arpitāni veṣṭitāni yāni anekavarṇāni śvetapītaharitāruṇakṛṣṇāni vasanāni vastrāṇi veṣṭito baddhaḥ uṣṇīṣaḥ keśapāśo yena tattathoktam | punaḥ kathaṃbhūtaṃ balam | anavadhiprakāraprasavastavakacumbitaśikham anavadhiprakāraprasavastāvakāḥ puṣpagucchāstaiścumbitā spṛṣṭā śikhā śiroprabhāgo yasya tattathoktam | punaḥ kathaṃbhūtaṃ balam | vijayaśrīnivāsamiva vijayalakṣmīnivāsasya kānanamiva | yathā vanaṃ anekapuṣpastavakasaṃyuktaṃ bhavati | punaḥ kathaṃbhūtaṃ balam | turagavegavarṇanodīrṇaṃ turagāṇāṃ vegasya varṇane praśaṃsane udīrṇamudriktaṃ utkaṭam | yathāyathakathaṃ satyavacanakathanaśīlam || itaścetyādi |