Yashastilaka 4.343

4.343

bdakarmaśaśva.' ityanena sūtreṇa ubhayakarmako'pi kṛñdhāturutvādilādātmanepadam | atra asmin viṣānne dṛṣṭe sati pikāmajaḥ kokilaḥ svarān vikurute | babhrurnakulaḥ śikhaṇḍitanayaśca mayūraḥ prahṛṣṭo bhavet ānanditaḥ syāt | krauñcaḥ kuṣṭhapakṣaḥ pramādyati dṛṣṭvā svapiti | tāmracūḍaḥ kukkuṭaḥ virauti virūpakaṃ śabdaṃ karoti | śukaḥ kīra. chardi vamana pratanute karoti | kapirhadate purīṣotsargaṃ karoti | cakorasya jīvaṃjīvasya locane netre virajyete virāgaṃ prāpnutaḥ | haṃso gatau gamane skhalati ruciragamanaṃ na karoti | anne makṣikā na līyante nopaviśanti | yugmam | samuccayālaṃkāraḥ || yathetyādi | he vasumatīpate, yathā yena prakāreṇa lavaṇasaṃparkāt akṣīvasaṃsargāt sphuṭaṃ vyaktaṃ pāvako vaiśvānaraḥ sphuṭati taṭataṭāyate tathā tena prakāreṇa viṣadugdhānnasaṃparkāt pāvakaḥ sphuṭati | upamālaṃkāraḥ || punaruṣṇīkṛtamityādi | nādyāt na bhuñjīta | kiṃ tat | sarvamannaṃ sarvabhaktaṃ sūpapūpādika vā punaruṣṇīkṛtam, tathā virūḍhakaṃ aṅkuritaṃ dhānyam, tathā kaṃse ca nihitaṃ daśarātroṣitaṃ daśadivasasthitaṃ ghṛta nādyāt | pradīpakālaṃkāraḥ || dadhitakrābhyāmityādi | dadhitakrābhyāṃ dvābhyāṃ tṛtīyaṃ kadalaṃ ekena vā kadalīphalaṃ na sevyam | lavaṇena saha kṣīraṃ na sevyam | kalinā kāñjikena saha śakuliḥ tilamiśrabhakṣyaviśeṣaḥ na sevyaḥ | kākamācī vāyasādhvī kṣamāmagnaśākaviśeṣaḥ guḍapippalimadhumaricaiścaturbhiḥ sārdhaṃ na sevyā na bhoktavyā | dīpakālaṃkāraḥ || bhuñjītetyādi | māṣasūpa śamīdhānyaviśeṣadālyannaṃ ghaṭakānāmupādānakāraṇaṃ māṣaḥ