Yashastilaka 4.374.13

4.374.13

tāsāṃ dhvaniḥ tasya layena sāmyatayā lāsyamānā bhavanāṅgaṇasya barhiṇaḥ mayūrā yatra tattathoktam | punaḥ kathaṃbhūtam | candrakāntamayamṛṇālabilasravatsrotaḥ saṃtarpyamāṇavinodavāralam candrakāntāścandrakāntamaṇayastairnirvṛttāścandrakāntamayā ye mṛṇālāḥ padmanālāni teṣāṃ bilebhyaśchidrebhyaḥ sravanti kṣaranti yāni srotāṃsi sroto'mbusaraṇāni taiḥ saṃtarpyamāṇāḥ prīyamāṇā. vinodavāralāḥ krīḍāhaṃsavanitā yatra tattathoktam | punaḥ kathaṃbhūtam | karaṭikaravikīyamāṇasīkarāsārasūtritāṅganālakamaktāphalābharaṇam karaṭinaḥ kṛtrimagajāsteṣāṃ karaiḥ śuṇḍādaṇḍaiḥ vikīryamāṇā vikṣipyamānā ye sīkarāsteṣāmāsāreṇa vegavadvarṣeṇa sūtritāni racitāni aṅganānāṃ alakeṣu cūrṇakuntaleṣu muktāphalānāṃ ābharaṇāni yatra yantradhārāgṛhe tattathoktam | punaḥ kathaṃbhūtam |