Yashastilaka 4.374.12

4.374.12

kurarāśca bakāśca kalahaṃsāśca kādambāste ādiryeṣāṃ hārītakāraṇḍavacakoraṭidvibhakapiñjalādīnāṃ te ca te aneke bahavaḥ vayaḥpataṅgā jalapakṣiṇasteṣāṃ pakṣāṇāṃ cāpalena capalatvena ucchalanti yāni sarojarajāṃsi teṣāṃ puñjai rāśibhiḥ piñjarā' 'gorocanavarṇā yā jalakelidīrghikā jalakrīḍāvāpikā tāsāmantarāleṣu yāni pulināni' jalotthitadvīpāsteṣu prasādhitāḥ kṛtā ye prāsādāsteṣāṃ madhyepu yā vedadyo vedikāstāsāṃ madhyepu antarbhāgeṣu saṃbaddhāḥ samyagracitāḥ salilatūlikāḥ pānīyaśayyā yatra tattathoktam | uktaṃ ca—'ālekhyalekhinītūlaśayyā proktā ca tūlikā|' iti | punaḥ kathaṃbhūtam | śayanābhyarṇāvatīrṇasuvarṇamaṇirajatabhājanavinyasyamānamalayajāgurumṛganābhikarpūraparimalodgā- hivāripūram | śayanasya śayyāyā abhyarṇāni avatīrṇāni maṇḍitāni suvarṇabhājanāni maṇibhājanāni rajatabhājanāni teṣu vinyasyamānā dhriyamāṇā ye malayajānāmaguruṇā mṛganābhīnāṃ karpūrāṇāṃ ca parimalā vimardotthagandhā tān vahantītyevaṃśīlā vāripūrāḥ yatra tattathoktam | punaḥ kathaṃbhūtam | paryantayantrajaladharavarṣābhiṣicyamānasthalakamalinīkedāram paryanteṣu prānteṣu yantrajaladharā yantrakṛtakameghāsteṣāṃ varṣeṇa abhiṣicyamānāḥ sthalakamalinīkedārāḥ sthalakamalinīnāṃ kedārā jalabhṛtakṣetrāṇi yatra tattathoktam | punaḥ kathaṃbhūtam | vividhavyālavadanavinirgalajjaladhārādhvanitalayalāsyamānabhavanāṅgaṇabarhiṇam vividhā nānāprakārā ye vyālāḥ kṛtrimagajasarpasiṃhavyāghracitrakādayasteṣāṃ vadanebhyo vinirgalantyo yā jaladhārā apchaṭā.