Yashastilaka 4.374.10

4.374.10

navāgranāgavallīpallavollā sabharā bhumapūgana gābhogabhartsitabhānuprabhāprasaram navāgrāḥ pratyagrā yā nāgavallayastāsāṃ pallavāsteṣāṃ ullāsaḥ prādurbhāvastasya bhareṇa bhāreṇa abhugnā moḍitā balīkṛtā ye pūganagāḥ kramukavṛkṣāsteṣāmābhogena āṭopena paripūrṇatayā vā bhatsito nirākṛto bhānuprabhāprasāro yatra tattathoktam | punaḥ kathaṃbhūtam | haritamaṇiprakāśapalāśapeśalapratānacitamocamecakaruciracitāmbarāpagāpara kālindī saṃgamam haritamaṇiraśmagarbharatnam | uktaṃ ca- 'gārutmataṃ marakatamaramagarbhe harinmaṇiḥ | śoṇaratnaṃ lohitakaṃ padmarāgo'tha mauktikam ||' mukta haritamaṇirmarakata maṇirityarthastasya prakāśa udyotastatsadṛśāni yāni palāśāni patrāṇi kadalīdalāni taiḥ peśalo'timanoharo yo'sau pratāno vistārastena citā jaṭilā yā mocāḥ kadalyaḥ | 'ā......kārī strīhastī hambho hastin' iti vacanāt mocāśabdasya hrasvatvam | tāsāṃ mecakarucayo nīladīptayastābhī racitā ambarāpagāyāḥ aparakālindīsaṃgamo dvitīyayamunāmelāpako yatra tattathoktam | punaḥ kathaṃbhūtam | bālabakulakuravakatilakacampakāśokasahakāra kisalayakulakheladvācālaśukasārikam abhinavāśca te bakulāḥ keśarākhyaḥ, kurabakāśca raktāmlānavṛkṣāḥ | uktaṃ ca-'amlānastu mahāsahaḥ | tatra śvete kuraṇṭakaśca pīte kuraṇṭakaḥ ||' tilakāśca kṣurakavṛkṣāḥ | uktaṃ ca-'tilakaḥ kṣurakaḥ śrīmān puruṣapraputrakaḥ |' tilapuṣpa ityarthaḥ | campakāśca hemapuṣpakāḥ, aśokāśca vajulavṛkṣāḥ, sahakārāśca atisugandhāgravṛkṣāḥ, teṣāṃ kisalayāni teṣāṃ kulāni teṣu khelanto vācālā bahuvācaḥ śukāśca sārikāśca yatra tattathoktam |