Yashastilaka 4.388.9

4.388.9

sarjārjunavijayiṣu sarjārtha asanavṛkṣā arjunārtha madyahetulaco vṛkṣāstairvijayante śobhante ityevaṃśīlāste tathā teṣu | punaśca keṣu satsu | ketakīkusumapatreṣu satsu | kathaṃbhūteṣu ketakīkusumapatreṣu | vijṛmbhamāṇeṣu satsu | punaḥ kathaṃbhūteṣu | manobhavabhallikākṛtiṣu ca manobhavasya bhallikā bāṇāgraphalaṃ tasyā ākṛtiryeṣāṃ tāni tathā teṣu || api ca asti kaścidviśeṣaḥ | kathaṃbhūto'haṃ varṣartuśriyamanubhavannāsāṃcakre | ityamunā prakāreṇa akālajaladavandivinodyamānamanāḥ akālajaladanāmnā bandinā stutipāṭhakena vinodyamānaṃ krīḍyamānaṃ mano yasya sa tathoktaḥ | itīti kimunmārgāmbhasītyādi | he nātha, īdṛgvidhe varṣākāle prauḍhāṃ navayauvanāṃ priyāṃ yattvaṃ muñcasi pariharasi | ca anyat rudvayasi prādurbhūṃtanavayauvane sati tvaṃ kathaṃ yāsi deśāntaraṃ gacchasi | kathaṃbhūte kāle | unmārgāmbhasi unmārgāṇi nadīnāmubhayataṭallaṅghīni