Yashastilaka 7.381

7.381

lāni mogarakuṣpāṇi teṣāṃ ālya āvalyatābhiḥ kīrṇā vyāptā lolā alakā yāsāṃ tāstathoktāstāsām | punaḥ kathaṃbhūtānām | kurabakamukulaktārahārastanīnām kurabakāḥ śoṇāmlānavṛkṣāsteṣāṃ mukulānāṃ srajo mālāstathā tārā ujjvalā hārāstairupalakṣitāḥ stanāḥ yāsāṃ tāstathā tāsām | kaiḥ kṛtvā yoṣitāṃ vakraṃ kaṣāyaṃ jātamiti cet | cūtajātaiḥ pallavaiḥ āmrodravaiḥ pravālaiḥ | kathaṃbhūtaiḥ pallavaiḥ | darajaraṭhadalāgraiḥ daramīṣajjaraṭhāni kaṭhināni dalānāṃ agrāṇi yeṣāṃ te tathā taiḥ | samuccayālaṃkāraḥ ||
alakakisalayānāmityādi | he nṛpa, tvaṃ strīvanaśreṇikānāmavaniṣu keliṃ kuru | anyairvanāntairaparairvanamadhyaiḥ kim | na kimapi | kathaṃbhūtānāṃ strīvanaśreṇikānām alakakisalayānāṃ alakāsta eva kisalayāni yāsāṃ tāsām | punaḥ kathaṃbhūtānām | bhūlatāślāghinīnām bhuva eva latāstābhiḥ ślāghā stutirvidyate yāsāṃ tāstāsām | punaḥ kathaṃbhūtānām | nayanamadhulihānām madhu puṣpamakarandaṃ lihanti āsvādayantīti madhulihā bhramarāḥ | 'nābhyupadhāprīkṛdaśaḥ kaḥ |' nayanāni eva madhulihā yāsāṃ tāstāsām | punaḥ kathaṃbhūtānām | cārugaṇḍasthalīnām cāryo atimanoharā gaṇḍasthalyaḥ kapolā yāsu tathā tāsām | punaḥ kathaṃbhūtānām | kucakusumacayānāṃ kucā eva kusumacayāḥ puṣpaprakarā yāsu tāstathā tāsām | rūpakasamuccayākṣepālaṃkāraḥ ||
lasadlaketyādi | he nṛpa, strīsarasyaḥ vanitāsarovarāṇi tava bhavato jalakeliṃ kurvato vidadhātu | kathaṃbhūtāḥ strīsarasyaḥ | lasadalakataraṅgāḥ lasantaḥ ullasanto'lakā eva taraṅgā yāsāṃ tāḥ | punaḥ kathaṃbhūtāḥ | kāntanetrāravindāḥ kāntāni manoharāṇi netrāṇi aravindāni yāsu tāḥ | punaḥ kathaṃbhūtāḥ | pracalabhujalatāntāḥ pracalā ullasanto bhujalatāntā yāsu tāḥ | punaḥ kathaṃbhūtāḥ | pīnavakṣojakokāḥ pīnāḥ pīvarā nātisthūlā nātidīrghā vartulākārāḥ parasparasaṃlagnāḥ unnatibhājo vakṣojā