Bappabhatticaritra 2.48

2.48

anyadā sva-parasamayasūktaiḥ prabodhya rājā prabhubhirmadyamāṃsādisaptavyasananiyamaṃ grāhitaḥ
samyaktvamūlaikādaśavratanirataśca śrāvakaḥ kṛtaḥ| dvādaśaṃ vrataṃ tvatithisaṃvibhāgārūyaṃ prathamacaramajinanṛpāṇāṃ niṣiddhaṃ siddhānte
§42) ekadā lakṣaṇāvatyāṃ bauddho varddhanakuñjaro dharmanṛpamāha sagadgadam-ahaṃ bappabhaṭṭinā jitastanme na dūṣaṇam | bappabhaṭṭirhi bhāratī nararūpā, prajñāmayaḥ piṇḍaḥ, gīṣputraḥ, na ca dunoti| etattu
dunoti yattava bhṛtyenārthi vākpatirājena sūrikṛtabhedānmama mukhaśaucopāyena guṭī hārayāmāhe
etāvadabhidhāya sa tāraṃ tāraṃ ruroda| sa nivāritaḥ kṣmāpena rodanāt | uktañca-kiṃ kriyate ?,
ayaṃ naścirasevako'nekasamarāṅgaṇalabdhajayapratiṣṭhaḥ prabandhakaviḥ parābhavituṃ na rocate | kṣamakhedamasyāgaḥ | tato bauddho joṣaṃ sthitaḥ
§43) aparedyuryaśodharmanāmnā samīpadeśasthena balavatā bhūpena lakṣaṇāvatīmetya raṇe dharmanṛpo
vyāpāditaḥ | rājyaṃ jagṛhe | vākpatirapi bandīkṛtaḥ| tena kārāsthena 'gauḍavadha' sañjñakaṃ prākṛtaṃ
mahākāvyaṃ racayitvā yaśodharmāya rāje darśitam | tena guṇaviśeṣavidā sasatkāraṃ bandermuktaḥ,
kṣamitaśca | 'vidvān sarvatra pūjyate'| tato vākpatirbappa bhaṭṭi samīpaṃ gataḥ | dvayostayormaitrī pūrvamapyāsīt | tadānīṃ viśeṣato'vṛdhat | 'tena vākpatinā mahāmahavijayākhyaṃ prākṛtaṃ mahākāvyaṃ
baddham | āmāya darśitam | āmo haimaṭaṅkakalakṣamasmai vyaśiśrāṇat |'
108. kiyatī pañcasahasrī kiyatī lakṣā ca koṭirapi kīyatī | audāryonatamanasāṃ ratnavatī vasumatī kiyatī