Bappabhatticaritra 2.49

2.49

§44) aparedyuḥ prabhuḥ śrīāmena pṛṣṭaḥ-bhagavan ! yūyaṃ tāvattapasā vidyayā ca loke labdhaparamarekhāḥ
kimanyo'pi ko'pi kvāpyāste yo bhavattulāleśamavāpnoti | bappabhaṭṭira bhāṇīt-avaniphte ! mama
gurubāndhavau govindācārya-nannasūrī sarvairguṇairmadadhikau gūrjaradharāyāṃ moḍherakapure staḥ | guṇotkaṇṭhayāmitasainya āmastatra gataḥ| tadā nannasūrirvyākhyāne'vasarāyatān vātsyāyanoktān kāmāṅgabhāvān pallavayannāsīt| rājñā śrutaṃ tatsarvam| arucirutpannā-aho ! vayaṃ kāmino'pi naitān bhāvān
vidmaḥ| ayaṃ tu vetti samyak | tasmādayamavaśyaṃ nityaṃ yoṣitsaṅgī | kimasya praṇāmena ?-ityakṛtanatirevotthāyāśu gopagirimāgāt | cirād dṛṣṭaḥ kṣmāpa iti raṇaraṇakākrāntasvāntāḥ prabhavo vandāpayitumaiyaruḥ | rājā nirādaro na vandate tathā| evaṃ dināni katipayāni gatāni | ekadā gurubhiḥ
papracche-rājan ! yathā purā bhakto'bhūstathedānīṃ bhakto nāsi | kimasmākaṃ doṣaḥ ko'pi ? | rājā
sāha-sūrivara ! bhavādṛśā api kupātraślāghāṃ kurvate | kimucyate ? | sūribhirūce -katham ? | āmaḥ
prāha-yau bhavadbhiḥ svau gurubāndhavau stutau | tatra gatvā eko nannasūrināmā dṛṣṭaḥ śṛṅgārakathāvyākhyānalampaṭastapohīno lohanaraṇḍatulyo majjati majjayati ca bhavāmbudhau | tasmānna kiñcidetat
sūrayo masīmalīnavadanāḥ svavasatimaguḥ | tatropaviśya dvau sādhū moḍherakapuraṃ prahitau | tatpārśvottatra kathāpitam-āmo'kṛtapraṇāmo bhavatpārśvādāgataḥ | evamevaṃ yuvāṃ nindati | tatkartavyaṃ
yenāsau bhavatsvanveṣvapi śramaṇeṣu avajñāvānna bhavati" | sarvaṃ tantratyaṃ jñātvā tau dvāvapi guṭikayā
varṇa-svaraparāvarttaṃ kṛtvā naṭaveṣadharau gopagirīmīyatuḥ | śrīkṛṣṇadhvajacaritraṃ nāṭakatvena babandhatuḥ
naṭān śikṣayāmāsatuḥ | āmarājamavasaraṃ yayācatuḥ | rājñā'vasaro dattaḥ | militāḥ sāmājikāḥ tattadrasabhāvajñāḥ| tābhyāṃ nāṭakaṃ darśayitumārebhe| bharata-bāhubalisamarāvasaro'bhanīyate
yadā vyūharacanā-śastrajhalatkāra-vīravarṇanā-bhaṭakolāhalāśvotthāpanaghargharikā-jhaṇajhaṇatkārādi
tābhyāṃ varṇayitumārabdham, dhārārūḍhaśca raso'vātārīt; tadā śrīāmastadbhaṭāśca kālindīpravāhaśyāmadīrghāṇasīnākṛṣyotthitā 'hata' hata' iti bhāṣante sma | atrāntare nannasūri-govindācāryau
svarūṣamudre prakāśyāhatuḥ-rājan ! bhaṭāḥ ! śṛṇuta 2 kathāyuddhamidam, na tu sākṣāt| alaṃ sambhrameṇa
ityuktā lajjitā vismitāśca te rājādyāḥ saṃvṛtākārāmasthuḥ| tadā govindācārya-nannasūribhyāṃ
bhūpo'bhāṇi-kila śṛṅgārānanubhavino vayamiti samyagvyākhyātuṃ vidmaḥ| kintu samarājiramapi bhavadbhūtapraviṣṭāḥ smaḥ| kuraṅgā iva śastre dṛṣṭe'pi bibhimaḥ| ābālyād gṛhītavratāḥ pāpabhīravaḥ, paraṃ bhāratīprabhāvaprabhavavacanaśaktyā rasān sarvān jīvadrūpāniva darśayāmaḥ| rājan !
moherake yaiste vātsyāyanabhāvā vyākhyātāḥ, te vayaṃ nannasūraya ime ca govindācāryāḥ| bhavatāṃ
tadā mṛṣā vikalpaḥ samajane| rājā sadyo lalajje| tau sūrī kṣamayāmāsa, ānarca bappabhaṭṭiṃ
ca| tau katiciddināni uparājaṃ sthitvā bappabhaṭṭerenujñayā punarmoḍherapuramagātām | gataḥ samayaḥ
kiyānapi
§45) anyadā gāthakavṛndamāgatam| tanmadhye bālikaikā sanālaṃnīlotpalalocanā mṛgāṅkamukhī
kinnarasvarā viduṣī gāyati | tāṃ dṛṣṭvā madanaśaraṃjvarajarjaraḥ galitaviveko gataprāyaśaucadharmābhiniveśaḥ kanyakubjeśaḥ padyadvayaṃ prasupratyakṣamapāṭhīt109. vaktraṃ pūrṇaśaśī sudhārasralatā dantā maṇiśreṇayaḥ, kāntiḥ śrīrgamanaṃ gajaḥ parimalaste pārijātadrumāḥ
vāṇī kāmadughā kaṭākṣalaharī sā kālakūṭacchaṭā, tatkiṃ candramukhi ! tvadarthamamarairāmanthi dugdhodadhiḥ