Treasury of Narratives (Caturviṃśatiprabandha) 7.48

7.48

anyadā sva-parasamayasūktaiḥ prabodhya rājā prabhubhirmadyamāṃsādisaptavyasananiyamaṃ grāhitaṃ'
samyaktvamūlaikādaśavratanirataśca śrāvakaḥ kṛtaḥ | dvādaśaṃ vrataṃ tvatithisaṃvibhāgākhyaṃ prathamacaramajinanṛpāṇāṃ niṣiddhaṃ siddhānte
§ 42) ekadā lakṣaṇāvatyāṃ bauddho barddhanakuñjaro dharmannṛpamāha sagadgadam-ahaṃ bappabhaṭṭinā jitastanme na dūṣaṇam | bappabhaṭṭirhi bhāratī nararūpā, prajñāmayaḥ piṇḍaḥ, gīṣputraḥ, na ca hunòti | etattu
hunoti yattava bhṛtyènāpi vākpatirājena sūrikṛtabhedānmama mukhaśaucopāyena guṭī hārayāmāhe
etāvadabhidhāya sa tāraṃ tāraṃ ruroda | sa nivāritaḥ kṣmāpena rodanāt | uktañca-kiṃ kriyate ?,
ayaṃ naścirasevako'nekasamarāṅgaṇalabdhajayapratiṣṭhaḥ prabandhakaviḥ parābhavituṃ na rocate | kṣamasvedamasyāgaḥ | tato bauddho joṣaṃ sthitaḥ
§ 43) aparedyuryaśodharmanāmnā samīpadeśasthena balavatā bhūpena lakṣaṇāvatīmetya raṇe dharmanṛpo
vyāpāditaḥ | rājyaṃ jagṛhe | vākpatirapi bandīkṛtaḥ | tena kārāsthena 'gauḍavadha' sañjñakaṃ prākṛtaṃ
mahākāvyaṃ racayitvā yaśodharmīya rājñe darśitam | tena guṇaviśeṣavidā sasatkāraṃ bandermuktaḥ,
kṣamitaśca | 'vidvān sarvatra pūjyate' | tato vākpatirbappabhaṭṭi'samīpaṃ gataḥ | dvayostayormaitrī pūrvamapyāsīt | tadānīṃ viśeṣato'vṛdhat | ✝tena vākpatinā mahāmahavijayākhyaṃ prākṛtaṃ mahākāvyaṃ
baddham | āmāya darśitam | āmo haimaṭaṅkalakṣamasmai vyaśiśraṇat |✝
108. kiyatī pañcasahasrī kiyatī lakṣā ca koṭirapi kīyatī | audāryonnatamanasāṃ ratnavatī vasumatī kiyatī