Pramanamimamsa 1.2.26

Pramāṇamīmāṃsāvṛtti 1.2.26

Language: Sanskrit

1.2.26

vyāptiḥ iti yo vyāpnoti yaśca vyāpyate tayorubhayordharmaḥ . tatra yadā vyāpakadharmatayā vivakṣyate tadā vyāpakasya gamyasya vyāpye dharmme sati, yatra dharmiṇi vyāpyamasti tatra sarvatra bhāva eva vyāpakasya svagato dharmo vyāptiḥ . tataśca vyāpyabhāvāpekṣā vyāpyasyaiva vyāptatāpratītiḥ . natvevamavadhāryate--vyāpakasyaiva vyāpye sati bhāva iti, hetvabhāvaprasaṅgāt avyāpakasyāpi mūrtatvādestatra bhāvāt . nāpi--vyāpye satyevetyavadhāryate, prayatnānantarīyakatvāderahetutvāpatteḥ, sādhāraṇaśca hetuḥ syānnityatvasya prameyeṣveva bhāvāt .

Previous: 1.2.25
Next: 1.2.27
Up: 1.2

Linked texts (1)

Pramāṇamīmāṃsā — Hemacandra, Sanskrit