Pramanamimamsa 1.2.27

Pramāṇamīmāṃsāvṛtti 1.2.27

Language: Sanskrit

1.2.27

yadā tu vyāpyadharmatayā vyāptirvivakṣyate tadā vyāpyasya vā gamakasya tatraiva vyāpake gamye sati yatra dharmiṇi vyāpako'sti tatraiva bhāvaḥ na tadabhāve'pi vyāptiriti . atrāpi naivamavadhāryate--vyāpyasyaiva tatra bhāva iti, hetvabhāvaprasaṅgādavyāpyasyāpi tatra bhāvāt . nāpi--vyāpyasya tatra bhāva eveti, sapakṣaikadeśavṛtterahetutvaprāpteḥ sādhāraṇasya ca hetutvaṃ syāt, prameyatvasya nityeṣvavaśyaṃbhāvāditi .

Previous: 1.2.26
Next: 1.2.28
Up: 1.2

Linked texts (1)

Pramāṇamīmāṃsā — Hemacandra, Sanskrit