Pramanamimamsa 2.1.68
Pramāṇamīmāṃsāvṛtti 2.1.68
- Language
- Sanskrit
2.1.68
avidyamānānāṃ sādhanadoṣāṇāṃ pratipādanānyadūṣaṇānyapi dūṣaṇavadābhāsamānāni dūṣaṇābhāsāḥ . tāni ca jātyuttarāṇi . jātiśabdaḥ sādṛśyavacanaḥ . uttarasadṛśāni jātyuttarāṇi uttarasthānaprayuktatvāt . uttarasadṛśāni jātyuttarāṇi . jātyā sādṛśyenottarāṇi jātyuttarāṇi . tāni ca samyagghetau hetvābhāse vā vādinā prayukte jhaṭiti taddoṣatattvāpratibhāse hetupratibimbanaprāyāṇi pratyavasthānānyanantatvātparisaṅkhyātuṃ na śakyante, tathāpyakṣapādadarśitadiśā sādharmyādipratyavasthānabhedena sādharmyavaidharmyotkarṣāpakarṣavarṇyāvarṇyavikalpasādhyaprāptyaprāptiprasaṅgapratidṛṣṭāntānutpattisaṃśayaprakaraṇāhetva-rthāpattyaviśeṣopapattyupalabdhyanupalabdhinityānityakāryasamarūpatayā caturviṃśatirupadarśyante .
Linked texts (1)
- Pramāṇamīmāṃsā — Hemacandra, Sanskrit