Kalpah 2.2.17.9

2.2.17.9

pavitreṣṭiṃ vyākhyāsyāmaḥ 189 amāvāsyāyāṃ paurṇamāsyāṃ vāgnīnanvādhāya vaiśvadevavadidhmābarhirāharati 190 praṇītāḥ praṇīya caturgṛhītaṃ juhoti yena devāḥ pavitreṇa iti 191 aparaṃ caturgṛhītaṃ prājāpatyaṃ pavitram iti 192 aparaṃ caturgṛhītam indra ḥ! sunītī iti 193 abhyātānān hutvāgneyamaṣṭākapālaṃ nirupya pavamānahavī m̐! ṣi vaiśvānaraṃ dvādaśakapālaṃ pañcamam 194 āgneyaṃ parihāpyāgnaye vratapataya ityeke samāmananti 195 pavamānaḥ suvarjanaḥ iti dve dhāyye . yatte pavitram .. jātavedaḥ pavitravat 196 tvaṃ ca soma no vaśaḥ .. brahmā devānām ityājyabhāgayoḥ 197 atha haviṣām . āgneyena pracaryopām̐ śu vyatyāsaṃ pañcabhirājyahavirbhiryajati . uta naḥ priyā .. imā juhvānā iti sarasvatyāḥ priyāyāḥ . trīṇi padā .. tadasya priyam iti viṣṇorurukramasya . adyā no deva savitaḥ .. viśvāni deva savitaḥ iti devasya savituḥ . pra vāyumacchā .. ā no niyudbhiḥ iti vāyorniyutvataḥ . dadhikrāvṇo akāriṣam .. ā dadhikrāḥ iti dadhikrāvṇaḥ 198 ubhābhyāṃ deva savitaḥ .. vaiśvadevī punatī .. yena devā apunata .. yaḥ pāvamānīradhyeti .. pāvamānīryo adhyeti .. pāvamānīḥ svastyayanīḥ .. pāvamānīrdiśantu naḥ .. pāvamānīḥ svastyayanīḥ ityupahomāḥ . vaiśvānaro raśmibhiḥ .. bṛhadbhiḥ savitastṛbhiḥ iti saṃyājye . yaddevā devaheḍanam iti gārhapatye juhoti purastād gṛhapaterupariṣṭādvā 199 siddhamiṣṭiḥ saṃtiṣṭhate 200 pavitreṣṭyeṣṭvā śuddhaḥ pūtaḥ paṅktipāvano bhavatīti vijñāyate . daśa pūrvān daśāparānātmānaṃ caikavi m̐! śatiṃ punātyubhayataḥ . sarveṣāṃ pāpānāṃ bhūyiṣṭhadoṣanirṇudāṃ pavitreṣṭiṃ praśam̐ santi taddhi pāvanamuttamamiti 201