Kalpah 2.4.6.5

2.4.6.5

apeta vīteti śālāmukhīyadeśaṃ joṣayate . tasminvyāmam̐ vidhāya maṇḍalam caturaśram̐ voddhatyāvokṣya cita stha paricita sthetyekavim̐ śatyā pradakṣiṇam̐ śarkarābhiḥ pariśrayati 1 agnerbhasmāsyagneḥ purīṣamasīti sikatā nivapati saṃ-jñānamasītyūṣān 2 mayi gṛhṇāmi yo no agniḥ pitara iti ceṣyañjapati yaja-māno vā 3 vyūhyoṣasikatamayam̐ so agniriti catasṛbhirmadhye'gneścatasraḥ prācīḥ samīcīriṣṭakā upadadhātīḍāmagna iti dve samīcī purastāccidasi paricidasīti dve samīcī paścāt 4 sarvatreṣṭakopadhānamantreṣvantatastayā devatayetyanuṣajati 5 lokaṃ pṛṇa chidraṃ pṛṇetyetayā trayodaśabhiścitim̐ saṃpūrayati .. tā asya sūdadohasa ityanuṣaṅgaḥ 6 cityāṃcityām̐ hiraṇyaśakalamupāsyati 7 pṛṣṭo divīti cātvāladeśātpurīṣeṇa citim̐ saṃchādayati 8 evaṃ prathame gārhapatyasya pañca citīrupadadhāti tisro dvitīya ekāṃ tṛtīye 9 saṃcite samitam̐ saṃkalpethāmiti caturbhirukhyaṃ nivapati 10 māteva putramityukhām̐ vimuñcati 11 na riktāmavekṣeta 12 sikatābhiḥ pūrayitvā nidadhyāddadhnā ghṛtena madhunā vā 13 yadasya pāre rajasa iti śikyamādatte 14 dakṣiṇāparamavāntaradeśam̐ yanti 15 svakṛta iriṇe nairṛtīrupadadhātyasunvantamayajamānamicheti tisṛbhiḥ parāṅparāṅ 16 na tayādevataṃ karoti 17 yaṃ te devī nirṛtirābabandheti jālamiṣṭakāsvadhyasyati 18 rukmasūtramanuprahṛtyāsandyābhivikramayati 19 yadasya pāre rajasa ityuda-kumbheneṣṭakāḥ prasavyaṃ triḥ pariṣiñcanparyeti . nidhāya trirapariṣiñcanpratiparyeti 20 bhūtyai nama ityuktvāvartate 21 śaṃ no devīrabhiṣṭaya āpo bhavantu pītaye . śam̐ yorabhisravantu naḥ .. śaṃ na āpo dhanvanyāḥ śaṃ naḥ santvanūpyāḥ . śaṃ naḥ samudra yā! āpaḥ śamu naḥ santu kūpyāḥ .. śaṃ no mitraḥ śam̐ varuṇaḥ śaṃ no bhavatvaryamā . śaṃ na indra ścāgniśca śaṃ no viṣṇururukramaḥ .. iti tisṛbhiḥ parogoṣṭhaṃ mārjayante 22 anapekṣamāṇāḥ pratyāyanti 23 niveśanaḥ saṃgamano vasūnāmityaidra nā! gārhapatyamupatiṣṭhate 24 prāyaṇīyāprabhṛti siddhamopasadbhyaḥ 25 ṣaḍupasadaḥ pravargyavatyaḥ 26 anūpasadamagniṃ cinvīta 27 prathamāyāmupasadi pūrvāhṇikīṃ kṛtvā yūpamachaiti 28 agreṇa prāgvam̐ śaṃ triṣu prakrameṣvaparimite vāvakāśe pṛṣṭhyāśaṅkuṃ nihatya vedādānaprabhṛti vedim̐ vidadhāti yathā some 29 ūrdhvabāhunā yajamānena veṇuṃ pramāyottaravedideśe saptapuruṣamagnim̐ vidadhāti 30 tasya catuḥpuruṣa ātmā puruṣamātrāṇi pakṣapuchāni 31 aratniṃ pakṣayoratyupadadhāti prādeśaṃ puche 32 turyapuruṣam̐ śiro vidhāya vihitasya madhyadeśe darbhastambe hiraṇyaṃ nidhāya sajūrabdo āyavobhirityabhijuhoti 33 prajāpatiṣṭvā sādayatu pṛthivyāḥ pṛṣṭhe tayā devatayāṅgirasvaddhruvā sīdeti vihitasya madhyadeśe pṛthivīmabhimṛśati 34 dakṣiṇataḥ pakṣasyodyojanamantaryāmamiti sīre yugavaratrāṇi saṃbadhnāti 35 pūṣā yunaktu savitā yunaktviti tisṛbhiryujyamānamanumantrayate 36 ṣaḍyuktena kṛṣati dvādaśayuktena vā 37 udasthādgojidaśvajidityucchritamanumantrayata uṣṭārayoḥ pīlvayorityanaḍuhaḥ 38 lāṅgalaṃ pavīravamiti pañce māmindra hastacyutimiti ṣaṣṭhī . tāsāmekaikayā dvedve sīte kṛṣati 39 dakṣiṇārdhātpakṣasyopakramya madhyena sītāṃ karotyuttarasmātpakṣāntātpradakṣiṇāvṛtā dakṣiṇāṃ pūrvāmudīcī-maparām 40 evaṃ tisrastisraḥ sītāḥ kṛṣati dakṣiṇasyāḥ śroṇeradhyo-ttarasmādam̐ sātpuchādadhyā śirasa uttarasyāḥ śroṇeradhyā dakṣiṇasmādam̐ sāt 41 vimucyadhvamaghnyā devayānā iti dakṣiṇāprāco vimuñcati 42 tānadhvaryave dadāti sīraṃ ca 43 6.1.5