Kalpah 2.4.6.6

2.4.6.6

oṣadhīrāraṇyā grāmyāśca sarpiṣā sam̐ sṛjya yā oṣadhayaḥ prathamajā iti caturdaśabhiḥ sarvamagnim̐ vapati 1 yā na vindettābhyo yavānmadhūdyutānvapet 2 śeṣeṇopta-magnimupatiṣṭheta 3 digbhyo loṣṭānbahirvedermā no him̐ sījjaniteti catasṛbhi-rmadhye'gneḥ samasyati 4 yāṃ janatāṃ kāmayeta kṣodhukā syāditīṣamūrjamahamita ādīti tasyā diśo loṣṭānāharet 5 kāmaṃ kāmadughe dhukṣveti sītām̐ sītā-mabhimṛśati 6 goyugena cātvālam̐ vidadhāti 7 daśapadāmuttaravediṃ madhye'gnervyāghāraṇāntāṃ kurvīta 8 cita stha paricita sthetyagniṃ pradakṣiṇam̐ śarkarābhiḥ pariśrayati 9 agne tava śravo vaya iti ṣaḍbhiḥ sikatā nivapati 10 āpyāyasva saṃ te payām̐ sīti saumībhyām̐ vyūhati śirasi pakṣapuchānāṃ cāpyayā lokāḥ . maghye svayamātṛṇṇālo 11 uttaraṃ puchāpyamaṃ pratyagnerākramaṇam 12 agreṇa śālāmukhīyam̐ rohite carmaṇyānaḍuhe prāggrīve lomataścitīnāṃ prathameṣṭakāḥ samādadhāti 13 anuvācayati cityagnibhya ityupām̐ śu praṇīya-mānebhyo'nubrūhītyuccaiḥ 14 sakṛduktāyāṃ carmaṇāharantyaśvamagrato nayanti 15 śroṇeḥ paścāccarma nidadhāti 16 samayottaravedimabhyasthām̐ viśvāḥ pṛtanā iti dakṣiṇena pādena svayamātṛṇṇālokeśvamākramayatyaparyāvartayanparikramayati 17 pratyavanīyāśvaṃ kumbheṣṭakā dvādaśodakena pūrayitvā samanyā yantītiprabhṛtibhi-rdvādaśabhirmadhyamāsu sītāsūpadadhāti kumbhaṃ kumbhīṃ ca dvedve lokeṣu catasro madhye 18 āpo hi ṣṭheti tisraḥ kumbheṣṭakāḥ samanvīkṣamāṇo japati 19 naivāraṃ caruṃ payasi śṛtaṃ divi śrayasveti dakṣiṇataḥ purastātsvayamātṛṇṇālokasyopadadhāti 20 6.1.6