Kalpah 2.6.7.p39

2.6.7.p39

agnīnanvādhāya ṣoḍaśadārumidhmam̐ saṃnahyati .
vedaṃ kṛtvā'gnīnparistīrya pāṇī prakṣālyolaparājīm̐stīrtvā yathārthamājyapātrāṇi prayunakti sphyam̐ sruvam̐ sruca ājyasthālīṃ yena cārthaḥ .
pavitre kṛtvā yajamāna vācaṃ yaccheti saṃpreṣyati vāgyataḥ pātrāṇi saṃmṛśati prokṣiteṣu vācaṃ visṛjate .
sphyamādāya stīrṇāyā vederlomabhyo'dhistambayajurharatyuparaṃ parigrāhaṃ parigṛhya saṃpraiṣeṇa pratipadyate .
yadanyadbarhiṣaḥ patnīsaṃnahanācca tatsaṃpreṣyati .
yatprāgājyagrahaṇāttatkṛtvā dhruvāyāmeva gṛhṇāti .
prokṣaṇīrabhimantrya brahmāṇamāmantryedhmaṃ vediṃ ca prokṣya prokṣaṇya- vaśeṣaṃ ninīya pavitre apisṛjyāgnimabhimantrya pūrvāmāghārasamidhamādhāya dhuvām̐ sruvaṃ ca sādayatyeṣā'sadaditi mantram̐ saṃnamati viṣṇvasi vaiṣṇavaṃ dhāma prājāpatyamityājyamabhimantrayate .
vedaṃ nidhāya sāmidhenībhyaḥ saṃpreṣyati navadheṣmaṃ prativibhajya sarvamidhmamādadhāti .