Kalpah 2.6.7.p40
Kalpaḥ 2.6.7.p40
- Language
- Sanskrit
2.6.7.p40
aṣṭāsu devatāsvagnimupavājya sruvāghāramāghāryāgnītparidhīm̐ścāgniṃ ca tristriḥ samṛḍḍhīti saṃpreṣyati saṃmṛṣṭe pravaraṃ pravṛṇīte yathā mahāpitṛyajñe sīda hotarityuktvā ..12..
dhruvāyā aṣṭau juhvāṃ gṛhṇāti caturupabhṛti .
sādayati srucau hotā''dāpayati .
ghṛtavatīmadhvaryo srucamāsyasvetyucyamāne juhūpabhṛtāvādāya sakṛdatikrāntastisro devatā yajati .
uttarataḥ prathamāyāḥ puronuvākyām̐ saṃpreṣyati dakṣiṇata itarayoḥ .
yajjuhvāmājyaṃ tasyārthenāgniṃ yajatyardhena somam . yadupabhṛti tajjuhvāmānīya tena viṣṇum .
pratyākramya yā te agne'yāśayā tanūriti sruveṇopasadaṃ juhoti .
madantībhiḥ pāṇīnprakṣālayante brahmā rājānaṃ visram̐sayatyāpyāyayanti nihnuvate ca yathā purastāddakṣiṇottānaiḥ pūrvāhṇe savyottānairaparāhṇe .