Kalpah 2.6.8.20

2.6.8.20

savanīyānāṃ mārjanaprabhṛtīni karmāṇi pratipadyate yathā nirūḍhapaśubandhe paśupuroḍāśasya .
yathācamasaṃ camasino bhakṣayanti teṣāṃ vyākhyāto bhakṣamantraḥ.
sarveṣāṃ prathamo hotā sakṛtsakṛdbhakṣayati dviḥ sve camase punaḥ.
.abhyunnītānāmadhvaryurdvirbhakṣitānām̐ sakṛtsakṛdbhakṣayati .
tṛtīyam̐ hotrakā antataḥ.
asarvānbhakṣayitvā''pyāyasva sametu ta ityāpyāyayanti te nārāśam̐sā bhavanti .
tāndakṣiṇasya havirdhānasya paścādakṣamudagāyatānsādayatyantarā neṣṭurāgnīdhrasya ca camasau sādayati . upaviśatyacchāvāko'greṇa svaṃ dhiṣṇiyaṃ bahiḥsadasam .
tasmai puroḍāśaśakalamādadadāhācchāvāka vadasva yatte vādyamiti .
upo asmānbrāhmaṇānbrāhmaṇā hvayadhvamityacchāvākenocyamāne'cchāvāko vā ayamupahavamicchate tam̐ hotarupahvayasveti saṃpreṣyati .
yatrainam̐ hotropahūyamānaṃ jānāti tasminkāle'cchāvākacamasamādāyonnīyamānāyānubrūhīti saṃpreṣyati .
tasminparihite'cchāvāka yajeti saṃpreṣyati vaṣaṭkṛte juhotyanuvaṣaṭkṛte hutvā harati bhakṣam .
tena na samaṃ bhakṣayati .
nāsminnupahavamicchate .
yadyasminnupahavamiccheta bhakṣayetyeva brūyāta .
bhakṣitāpyāyitamantarā neṣṭurāgnīdhrasya ca camasau sādayati .
etadevāta ūrdhvamacchāvākacamasasya sthānam ..20..