Kalpah 2.6.8.19

2.6.8.19

brahmanyajeti brāhmaṇācchaṃm̐sinaṃ potaryajeti potāraṃ neṣṭaryajeti neṣṭāramanīdyajetyāgnīdhrram .
tasya camasamādāya sado gacchati sa hoturācaṣṭe'yāḍagnīditi.
sa bhadramakaryo naḥ somaṃ pāyayiṣyatīti hotā pratyāha .
homābhiṣavābhyāmadhvaryorbhakṣo vaṣaṭkārācca vaṣaṭkartṝṇām̐ samākhyānāccamasinām .
vaṣaṭkartā pūrvo bhakṣayati tato'dhvaryurjaghanyaścamasī.
homayorvaṣaṭakāravyavāye bhakṣavyavāye vaṣaṭkārayośca homavyavāye matiśeṣaṃ pratigrahaṇaṃ ca bhakṣaḥ. nānāgṛhītayośca samavāye.
ya vaiśyarājanyayoḥ somabhakṣaṇaṃ vidyate.
yadyabrāhmaṇaḥ somaṃ pipāsenngrodhastibhinīrāhṛtya tāḥ saṃpiṣya dadhanyunmṛjya yadanyām̐ścamasānunnayatyathaitaṃ yajamānacamasamata unnayati yadanyām̐ścamasāñjuhvatyathaitasya darbhataruṇenopahatyāntaḥparidhyāhavanīyādaṅgāraṃ nirvartyāhaṃ tvadasmīti juhoti yadanyām̐ścamasānbhakṣayatyathaitasya camasasya yajamāno bhakṣayati .
dvidevatyānbhakṣayanti ..
hotā'dhvaryuḥ pratiprasthātā ca .
evamanupūrvāḥ..
anyonyasminnupahavamicchante .
upahvayasvetyāmantraṇaḥ. .
upahūta iti prativacanaḥ .
yatra kva caikakāle bhakṣayeyuranyonyasminnupahavamiccheran .
dviraindravāyavaṃ bhakṣayati sakṛtsakṛditarau .
purastādaindravāyavaṃ prāṇeṣūpanigrāhaṃ purastānmaitrāvaruṇaṃ cakṣuṣopanigrāham̐ sarvataḥ. parihāramāśvinam̐ śrotrayorupanigrāham .
sarvānbhakṣayitvā nānusṛjantyā'vanayanāt .
sarveṣām̐ saṃpātānhotṛcamase'vanīya puroḍāśaśakalamaindravāyavasya pātre'vadadhāti payasyāṃ maitrāvaruṇasya dhānā āśvinasya tāni dakṣiṇasya havirdhānasyottarasyāṃ vartanyām̐ sādayatyātṛtīyasavanātpariśerate .
niravadāya hotra iḍāmādadhāti .
upahūyamānāmupodyacchante camasām̐ścamasādhvaryavaḥ.
hotṛcamasamāspṛṣṭaṃ dhārayati .
upahūtāṃ prāśnanti ye prakṛtau .
iḍāśakalamacchāvākāya nidadhāti prāśitāyāṃ mārjayitvā .
vājinena carati yathā vaiśvadeve .. 19 ..