Kalpah 2.6.8.22

2.6.8.22

indrāgnī āgatam̐ sutamiti svena pātreṇābhakṣitenaindrāgnaṃ kalaśācchastravantaṃ gṛhṇāti .
tam̐ sādāyitvā'greṇa hotāraṃ prāṅmukha upaviśyeḍā devahūriti śastramupākaroti . .
yatrainam̐ hotā'bhyāhvayate tasminkāle śom̐sāmoda iveti pratyāhvayate śom̐sāmoda ivothāmoda iveti vā .
uttiṣṭhanpradakṣiṇaṃ paryāvartamānaḥ prathamaṃ pratigaraṃ pratigṛhṇātyabhimukho'ta ūrdhvastiṣṭhanprahvo vā .
sarveṣu virāmeṣu praṇave ca .
nārdharcāllupyate .
nābhi pratigṛṇāti.
ubhayaṃ vyāhāve karoti śom̐sāmoda ivothāmoda iveti .
yatra kva ca hotā viramedothāmoda iveti prabrūyāt .
sarvaśastrāṇāmeṣa kalpaḥ.
śastraṃ pratigīrya grahamādatte camamām̐ścamasādhvaryava ukthaśā yaja somasyeti saṃpreṣyati . vaṣaṭkārānuvaṣaṭkārau nārāśam̐sānanuprakampayanti .
vyākhyāto grahanārāśam̐sānāṃ bhakṣaḥ.
āpyāyanasādane ca nārāśam̐sānām .. 22 ..