Kalpah 2.6.8.24

2.6.8.24

omāsaścarṣaṇīdhṛta iti śukrapātreṇa vaiśvadevaṃ kalaśātstutaśastravantaṃ gṛhṇāti .
tam̐ sādayitvā stotramupākaroti tadvyākhyātam .
apavṛtte stotre śastramupākaroti tadvyākhyātam .
śastraṃ pratigīrya grahamādatte camasām̐ścapasādhvaryava ukthaśā yaja somasyeti saṃpreṣyati vyākhyātamanuprakampanaṃ grahanārāśam̐sānāṃ bhakṣaḥ sarvabhakṣāḥ.
nā''pyāyanasādane bhavataḥ .
tribhirukthyavigrahaiḥ pracarataḥ .
upayāmagṛhīto'si mitrāvaruṇābhyāṃ tvetyukthyasthālyā ukthyapātreṇa tṛtīyaṃ maitrāvaruṇaṃ gṛhṇāti.
eṣa te yonirmitrāvaruṇābhyāṃ tvetyāyatane sādayati.
punarhavirasīti sthālīṃ pratyabhimṛśati.
maitrāvaruṇacamasamukhyāvekādaśa camasānunnayati .
purastādāgnīdhracamasādacchāvākacamasamunnayati stutaśastre bhavataḥ .
śastraṃ pratigīrya grahamādatte camasām̐ścamasādhvaryava ukthaśā yaja somānāmiti saṃpreṣyati .. 23..
hutvā devebhyastvā devāyuvaṃ pṛṇajmi yajñasyā'syuṣe juṣṭamiti maitrāvaruṇacamase grahasaṃpātamavanayati .
bāhyataḥ sada ālabhya .
yadi kāmayetādhvaryurātmānaṃ yajñayaśasenārpayeyamiti brāhmaṇavyākhyātānyatranayanāni teṣāṃ yāthākāmī.
sarveṣāṃ prathamo maitrāvaruṇaḥ sakṛtsakṛdbhakṣayati dviḥ sve camase
tasyādhvaryurdvirbhakṣitasya sakṛdbhakṣayati tṛtīyaṃ maitrāvaruṇaḥ .
tataḥ pratiprasthātottarābhyāmukthyavigrahābhyām̐ stutaśastravadbhyāṃ pracaratyetenaiva kalpena .
indrāya tveti dvitīye; grahaṇasādanau saṃnamati punarhavirasīti sthālīṃ pratyabhimṛśati .
brāhmaṇāccham̐sicamasamukhyām̐ścamasānunnayanekasmai camasagaṇāya rājānamatirecayati . brāhmaṇāccham̐sicamase grahasaṃpātamavanayati na pratiprasthātā bhakṣayati .
indrāgnibhyāṃ tveti tṛtīye grahaṇasādanau saṃnamati .
na sthālīṃ pratyabhimṛśati .
acchāvākacamasamukhyām̐ścamasānunnaya sarvam̐ rājānamunnaya
mā'tirīrico daśābhiḥ kalaśau mṛṣṭvā nyubjeti saṃpreṣyati .
acchāvākacamasamukhyām̐ścamasānunnayati sarvam̐ rājānamunnayati nātirecayati .
daśābhiḥ kalaśau mṛṣṭvā nyubjati .
acchāvākacamase grahasaṃpātamavanayati na pratiprasthātā bhakṣayati .
agniḥ prātaḥsavane pātvasmāniti sam̐sthite juhoti .
praśāstaḥ prasuveti saṃpreṣyati .
sarpatetyāha praśāstā.
saṃtiṣṭhate prātaḥsavanaṃ prātaḥsavanam .. 24 ..